-
Hasiera
- Albisteak
Helburua: laguntzak eskualdearentzat interesgarriak diren jarduerak eta programak antolatzeko, garatzeko eta gauzatzeko erabiliko dira. Jarduera horiek Kuadrilla osatzen duten bost udalerrietako edozeinetan egin beharko dira (Laudio, Amurrio, Aiara, Artziniega eta Okondo), edo, lurralde horretatik kanpo egiten badira, xede gisa izan behar dute Kuadrillaren eskualde-mailako interesa edo Kuadrilla bera sustatzea.
Eskaera egiteko azken eguna: 2019ko apirilaren 5a.
Onuradunak: jarduera sustatzen eta antolatzen duen norbanako edo kolektibo oro.
Laguntzen eskaera betetzeko baldintzak: informazio guztia Kuadrillaren webgunean ikusi eta/edo Kuadrillaren telefono-zenbakira deituta eska daiteke (945-399122). Horrez gain, udaletako iragarki-tauletan ere kontsulta daiteke, bertan baitaude laguntzak arautzen dituzten oinarriak.
Informazio gehiago:
http://www.araba.eus/botha/Boletines/2019/015/2019_015_00226_E.pdf
Beste dokumento batzuk:
Zallako Aranguneko La Inmaculada auzoko 15 bis zenbakian kokatutako Zallako Hizkuntza Eskola Ofizialak jakinarazi nahi du, oitsailaren 4ko goizeko 10:00etatik hilabete bereko 21eko eguerdiko 13:00ak arte matrikula epea zabalik izango dela.
Eskolak eskaintzen dituen hizkuntza mailak honako hauek dira:
- Euskara: A2-B1-B2
- English: A1-B1-B2-C1
- Français: A2-B1-B2-C1
Informazio gehiagorako hurrengo web gunean www.eoizallaheo.hezkuntza.net; 94 667 03 45 telefonoan edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbide elektronikoan
Aiarako Udalak, biribilgune eliptikoa kentzean eta aparkatzeko plaza kopuru gehiago eskaintzean oinarritutako Luiaondoko Padura kaleko egokitzapen lanak bukatutzat eman berri ditu.
Hobekuntza proiektua, Padura auzoko barneko bidea, norabide bakarreko bide bihurtzean oinarritu da. Sarbidea RENFEko geltokiko bidetik eta irteera beste aldetik egingo da.
Halaber, Padura kaleko biribilgune eliptikoaren inguruan aparkatzera bideratutako espazioak atonduta, bidea zabalago izan dadila lortu da eta larrialdietarako zerbitzuak- hala nola, suhiltzaileak, anbulantziak, etab.- ez dute arazorik izango kalea zeharkatzeko.
Era berean, baliorik ez izateagatik, kalean zegoen biribilgunea kendu da. Eta kentzearen ondorioz libre geratu den tokian, aparkatzeko 20 plaza berri egin dira bidearen alde bietan, horietako 3 desgaitasunen bat duten pertsonentzat.
Proiektuak, gainera labandera faltak eragindako arazoarekin –bide osoan zehar eta oinezkoen pasalekuetan ura pilatzearekin- bukatzea ahalbidetu du. Horretarako alde bietako zorua fresatze lanak egin dira.
LEADER europar funtsaren laguntza lerroak diruz lagunduta
Padura kalea egokitzeko proiektuaren aurrekontua 188096,77 eurokoa zen. Aiarako Udalak, 2017 urte bukaeran, eskaera aurkeztu zuen LEADER europar funtsaren laguntza lerroari. Eskaerak azkenean diru-laguntza eskuratu du eta proiektuaren kostuak eragin txikiagoa izango du udaleko diru-kutxan.
Datorren OTSAILAREN 10an Etxaurren ikastolako XXIX. krosa egingo da. Guraso Elkarteakantolatutako krosean parte hartu ahal dute gure umeek, jaio diren urtearen arabera, zenbaitkategoriatan.
Zuengana jotzen dugu jakinarazteko, ikastetxeetan 2019-2020 ikasturterako izena emateko epea laster hasiko dela eta Udalak Etxaurren Ikastolaren aldeko apustua egiten duela honako arrazoi hauengatik:
- Ikastetxe publiko eredugarria da, hezkuntza euskaraz, D ereduan, eskaintzen duena; izan ere, hori da gure udalerriko hizkuntza eredua gaur egun.
- Ume bakoitzaren neurrira irakasten du kalitate handiz. Metodologia aktiboa du ikasleen gaitasunak sustatzeko, hasiera-hasieratik autonomoak izaten lagunduz.
- Ikastetxea leku zoragarrian dago, inguruan dituen paisaia eta naturaren aberastasunari dagokionez. Horrek ingurumeneko inplikazioa areagotzen du.
Horregatik guztiagatik animatu nahi zaituztegu zuen seme-alabak Etxaurren ikastolara eramatera.
Edozein zalantza argitzeko edo informazio gehiago jasotzeko, deitu ikastolara bertara (945 18 70 00), atsegin handiz erantzungo dizuete.
