Aiara eta Gorobel Mendilerroko Ermandadea NPBren laguntzak jasotzeko, 2018ko larreak ustiatzeko eskaeren datuak Arabako Foru Aldundiari  azaroaren 30a baino lehen bidali behar dizkio.

Hortaz, 2018an Gorobel Mendilerroa mendian larreak ustiatzeko baimena eskatzeko interesa duten pertsona orori jakinarazten zaio eskaerak aurkezteko epea zabaldu dela.

Interesdunek Aiarako udaletxean aurkeztu beharko dute eskaera, 2017ko urriaren 24ko 14:00ak baino lehen, honako agiri hauekin batera:

• Titularraren NANaren kopia.
• Gizarte Segurantzan alta emanda dagoela egiaztatzen duen ordainagiria (Nekazaritza Erregimen Berezia, bere kontura).
• Ustiapen-txartelaren kopia.
• Erroldatze-agiria.

EZ DA ESKAERARIK ONARTUKO EPE HORRETATIK KANPO.

Oro har jakinarazten da 2017ko azaroaren 1etik abenduaren 31ra bitartean honako hauei dagozkien ordainagiriak kobratuko direla:

- HIRI OHZ: bigarren ordainketa (ordainagiriaren % 50)
- LANDA OHZ
- ZABORRAK BILTZEAGATIKO TASA.

1.- ORDAINTZEKO EPEA:

A.- Borondatezko aldia:
- Hiri eta Landa OHZ: 2017ko azaroaren 1etik abenduaren 15era.
- Zaborrak biltzeko zerbitzuagatiko tasa: 2017ko abenduaren 1etik 31ra.
B.- Exekuzio-aldia: 2018ko urtarrilaren 1etik aurrera. Administrazio
premiamenduko prozedura exekutiboa hasiko da, dagozkion gainkarga, atzerapen-interes eta, bidezkoa bada, kostuekin, bat etorriz Arabako Zergei buruzko otsailaren 28ko 6/2005 Foru Arauan ezarritakoarekin.

2.- ORDAINTZEKO LEKUA ETA MODUA:

A) Banku-erakundeetan helbideratutako ordainketak:
Ordainketa aurreko urteetan helbideratuta zutenek ez dute inolako izapiderik egin beharko, bankuko helbideratzearen kontua mantentzen badute. Udala arduratuko da ordainketa izapidetzeaz.
B) Helbideratu gabeko ordainagiriak:
Kutxabank: Kutxazainetan, txartelarekin edo libretarekin. Urruneko bandkaren bidez. Bulegoko leihatilan (ordutegiaren arabera).
Nire ordainketa online: Eusko Jaurlaritzaren ordainketa pasabidea, txartelarekin.
Udaletxeko Bulegoetan,, txatelarekin.

3.- GOMENDIOAK:
Altak, bankuko helbideratzeak eta helbideratze-aldaketak, ondoz ondoko jakinarazpenen ondoreetarako, Ayala-Aiarako Udalaren bulegoetan izapidetu behar dira.
Hala adierazten da, guztiek jakin dezaten.

Aiara eskualdea dinamizatzeko, bertako erakusleihoak sustatzeko eta Aiarako merkataritza sektorearen irudia hobetzeko helburuarekin, AEKOk (Aiaraldeko
Enpreseen Koordinaziorako Federazioa) IV. Aiarako Erakusleiho Lehiaketa antolatu du Aiarako Kuadrilla babesarekin.

Aiara Eskualdean kokatuta dagoen eta teknikoki balioztatu daitekeen erakusleiho duen merkataritza, ostalaritza edo zerbitzu establezimendu bat baduzu, IV. Aiarako Erakusleiho Lehiaketan parte hartu dezakezu.

Gaia librea izango da, baina establezimenduan normalean saltzen diren artikuluak edota produktuak agertu beharko dira. Erakusleihoak erakusgai egon beharko dira abenduaren 9tik 20ra bitartean. Parte-hartzaile bakoitzak erakusleihoaren argazki bat bidali beharko du Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. posta elektronikora (epea
abenduaren 12an bukatuko da).

Izena-ematea doan da eta honako sari hauek irabazteko aukera izango duzu:
· Lehenengo saria: 700 euro eta trofeoa
· Bigarren saria: 300 euro eta trofeoa
· Hirugarren saria: 150 euro eta trofeoa
· Bi trofeo: Bat Aiarako erakusleihorik onenarako eta bestea Okondoko erakusleihorik onenarako.

IZENA- EMATEA ETA OINARRIAK KONTSULTATU:

NON:
· Laudion: APILLen (Zumalakarregi, 33 1. eskuina). Tf: 946722801 eta 944030578 eta Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.
· Amurrion: APYMCAn (Kultura etxean). Tf: 945891200 eta 670497108
· Artziniegan: AEMEn (Restaurante la Encina edo Regalos Artea)
· Aialan eta Okondon: ADRren bitartez (Maite: 945105226) edo Merkataritzako Bulego Teknikoak (946722801 eta 944030578)

- Lehiaketan parte-hartzeko, inskripzio orria bete beharko da establezimienduaren datuekin.

Izena emateko epea: Azaroaren 16a arte. Behin izena emanda, lehiaketaren bereizgarria emango dizugu zure erakusleihoan jartzeko. Horrez gain, Laudioko, Amurrioko eta Artziniegako merkataritza elkarteek euren erakusleihoa lehiaketa izango dute eta erakusleiho berberarekin parte hartu dezakezu.

Bases de concurso Lehiaketako oinarriak

Hoja de inscripcion izena emateko orria

Hazi Fundazioak eta Aiarako LGE Zabaiak, Arabako Foru Aldundiaren laguntzarekin, elikagaien manipulatzearen inguruko ikastaroa eskainiko dute datorren azaroaren 29an, arratsaldeko 16:00etan hasi eta 19:00etara bitartean, Aiarako Udaletxeko Balio Anizdun Aretoan. Doako ikastaroan parte hartu eta azterketa gainditzen dutenek, elikagaiak manipulatzeko karneta eskuratuko dute.

Pertsona bakoitzeko 36 euroko prezioa izango duen ikastaroa, Araba Laborategiak-eko langile kualifikatuek eskainiko dute.

Elikagaiak manipulatzeko karneta lortzeko ikastaroa

• Data: 2017/11/29
• Ordutegia: 16:00-19:00
• Lekua: Aiarako Udaletxeko Balio Anizdun aretoa
• Prezioa: 36 euro/pertsona
• Izen emateak:
• ADR Zabaia 633 488 141 / Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Aiarako Kuadrillak eta Aiarako Landa Garapenerako Zabaia Elkarteak, Arabako Foru Aldundiaren laguntzarekin, landa eremuan asoziazionismoa sustatzeko ikastaroa antolatuko dute datorren azaroaren 20an.

Euskadiko Landa, Itsasertz eta Elikagaien Sustapenerako Hazi Fundazioak eskaintzen duen ikastaroa, goizeko 11:30etatik 13:30etara bitartean eta Aiarako Udaleko Areto Nagusian egingo da. Ikastaroak abeltzaintza, nekazaritza eta nekazal-eremuko sektoreekin zerikusia duten eragileei, elkarte bat sortzeko edo dagoeneko eratuta dagoen elkarte bateko kide izateko edo, lankidetza modu desberdinak ezagutzera emateko pautak hurbiltzea du helburu.

Ikastaroaren nondik norakoak azaltzearen arduraduna, Laborantza Ganbarako koordinatzaile Iker Elosegi izango da. Bere esperientzia propiotik abiatuta, Elosegik, lankidetza mota desberdinak, elkarteratzearen hastapenak edo elkartetaratzearen abantailak azalduko ditu

Asoziazionismoa: Landa dinamizaziorako giltzarria

Euskal atsotitzak dionez: “Gu ta gu ta gu, azkenean gurugu: besteak irabazi eta guk galdu”, hots, elkartasunak indarra egiten du. Bertatik bertarako garapenerako epe luzera begira landa dinamizazioa giltzarri dela jakinda, geroz eta pisu handiagoa izaten ari du sare asoziatiboak.

Elkarteak, erreminta paregabeak dira, sektore guzti batek plazaratutako beharrak  entzunarazi eta ezagutarazteko.

Asoziazionismoaz jardutea, parte hartzeaz, zuzeneko konpromisoaz eta dinamizazioaz hitz egitea da. Asoziazionismoa gaur egun, nahitaezko presio erreminta da, bere bazkideek planteatutako , baina interes eta motibazio bateraturik gabe ezerezean geldi daitezkeen beharrak, eskaerak eta aukerak identifikatzera laguntzen duen elementu koordinatzailea.

Asoziazionismoa, sektore publiko eta pribatuaren arteko interesak sortu daitezenerako beste gako bat da. Izan ere, ondo egituratutako eta helburu argiak eta zehatzak dituen sare asoziatibo bat eragin zuzena du gizartearen dinamismo ekonomiko eta sozial hobeago batean.

Asoziazionismoari buruzko ikastaroa:

• Data: 2017/11/20
• Ordutegia: 11:30-13:30
• Lekua: Aiarako Udaletxeko Areto Nagusia
• Izen emateak:
• Hazi 945 065 313
• Zabaia LGE 633 488 141 / Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Aiarako Kuadrillak eta Aiarako LGE Zabaiak, Arabako Foru Aldundiaren laguntzarekin, Ekonomia eta Industria berraktibatzeko planaren testuinguruan, bertako produktuen inguruko oinarrizko informazioa eta produktuon balio azpimarratzeko jardunaldiak antolatuko dituzte azaroaren, 2an, 7an, 9an, 14an, 16an eta 22an.

Hazi Fundazioak luzatuko duen ikastaroaren helburua, aurrerago aipatutako egunetan, Aiarako Udaletxeko balio anizdun aretora hurbiltzen direnei ezagutza eta erreminta aproposak eskaintzea izango da, beti ere, bertako produktu desberdinak, euren ezaugarriak eta euren abantailak ezagutzeko gai izan daitezen. Horrez gain, produktuen kalitatezko balioa nabarmendu, sustatu eta merkaturatzeko ildo nagusiak azalduko dira. Eta guzti horretarako, gaur egun bertatik bertarako produktuen ekoizpenaz eta merkaturatzeaz arduratzen diren pertsonak izango dira, jardunaldia osatzen duten modulu bakoitzean.

Egitarau osoa:

• Azaroak 2: Mundua hobetu, zure negoziotik hasita (15:30-19:30)

Hazi Fundazioak Arkauten duen Enplegurako Formakuntza sailaren arduradun Ana Uribek egindako aurkezpenaren ostean, Nere Aristoyk eta Leticia Ruiz de Gaunak, nekazaritza produktuei buruzko oinarrizko kontzeptuak eta Nekazal Garapenarekin mantentzen dituen harremanak eskainiko dituzte, baita Canvas metodoari buruzko funtsezko ezagutzak eman ere –negozioetako ideiei balio eskaintzeko erreminta aproposa-.

• Azaroak 7: Bezeroa zutaz maitemindu dadila (15:30-19:30)

Salmenta modu desberdinei errepasoa egiten dion, salmenta prozesuan erabiltzen den komunikazioaren garrantzia azpimarratzen den eta merkatariak bere produktua erosleari hurbiltzeko eskura dituen bide desberdinak eskaintzeko ikastaroaren zuzendari Maria Olarte izango da.

• Azaroak 9: Gaur hauxe ezagutu behar dugu… (15:30-19:30)

Lehen sektoreko ekoizpenean hasi eta kontsumitzailea bitarteko elikadura segurtasunari ekiten dion Elika fundazioak, lehen sektorearen iraunkortasuna eta lehiakortasuna bultzatzen dituen eta nekazal garapena sustatzen duen Abere fundazioarekin batera, ekoizpen nekazaritzako elikagaietan, trazabilitatean edo manipulazioan ezar daitekeen osasun legedia ezagutzeko beharrezko informazioa luzatuko du.  

• Azaroak 14: Bertako produktua ezagutu eta dastatzea (15:30-19:30)

Elikaren eskutik elikagai produktuaren arautegi komertziala ezagutu ostean, jardunaldian parte hartzen duten pertsonek, Mikel Garaizabal enologo eta ardoaren kulturaren zabaltzaileak zuzendutako dastatze bat egingo dute.

• Azaroak 16: Elikagai produktuen merkaturatze estrategiak (15:30-19:30)

Hazi fundazioko sustapen zuzendari eta Baserriko Txerria elkarteko gerente Josu Garaialde, Arespalditzara hurbilduko da, bertako produktuen balio azpimarratu eta merkaturatzeko erabiltzen diren bide desberdinen eboluzioa eta estrategia aztertzeko asmoz. Era berean, Garaialdek bertaratutakoei, lekuan lekuko merkatuen arautegi berria azalduko die, ekoizle lokalek ezagutu behar duten ezinbesteko marko legala.

• Azaroak 22: Ordiziako merkatura bisita (9:30-13:30)

Ordiziako merkatua, bertako produktuen plazarik esanguratsuena da gaur egun. Erakusleiho paregabea, jardunaldian zehar aurreko egunetan jasotako ezagutzen balioa nabarmentzeko. Goizeko 9:30etan Arespalditzatik abiatuko den bisitaldiak, bertan parte hartzen dutenei, Goizane jatetxean egingo den bazkarian parte hartzeko aukera luzatuko die.

Informazio gehiagorako eta izena emateko:

Zabaia, Aiarako LGE

• Elexalde auzoa, 3
• Tlfnoa: 945 399 013
• Email-a: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Urriak 26

Egitaraua:

10.30 Haroko upeltegi baten bisita
12.00 Laguardiko upeltegi baten visita gidatua
14:30 Bazkaria
16.30 Labastiada ezagutzeko visita gidatua edo denbora librea
18:30 Itzulera

Izena emateko prozedura:
55 urtetik gorakoek eman ahalko dute izena. Bikoteak izanez gero, bietako batek bete beharko du baldintza hori, gutxienez.
15 euro ordaindu behar dira Aiarako udaletxean. Prezioan garraioa, sarrerak eta bazkaria sartzen dira.
Aiaran erroldatutakoak lehentasuna edukiko dute.
Behin izena emanda, ez da ireteeraren zenbatekoa itzuliko.

Izena emateko epea: urriaren 20ra arte