Telefonoa
Ordutegia
Astelehenetik ostiralera:
9:00etatik 14:00etara

FAMILIENTZAKO DIRU LAGUNTZAK, EAEKO UDALERRIETAKO UDAL KIROLDEGIETAKO BAZKIDE KUOTA (BANAKAKOA EDO FAMILIAKOAK) ORDAINTZEKO.

Interesatuei jakinarazten zaie Aiaran errodatutakoek EAEko udalerrietako udal kiroldegietako batean bazkide izateagatik ordaindu beharreko kuotak (banakakoak nahiz familiakoak) ordaintzeko familientzako laguntzak eskatzeko epea 2020ko urriaren 28tik azaroaren 27era bitartekoa izango dela.

 2019ko urtarriletik abendura bitartean (biak barne) ordaindutako kuotak baino ez dira lagunduko diruz.

Eskariak eta eskatutako dokumentazioa eskabide normalizatuan aurkeztu behar dira. Eskabidea Udalak banatuko du eta Aiarako Udalaren webgunean ere eskuratu ahal izango da:

www.aiarakoudala.eus

Ez da beharrezkoa erakundearen ziurtagiriak aurkeztea (kiroldegia edo, hala badagokio, udal edo erakunde kudeatzailea). Aiarako Udalak informazioa eskatuko du.

 

Oro har jakinarazten da 2020ko azaroaren 1etik abenduaren 31ra bitartean honako hauei dagozkien ordainagiriak kobratuko direla:

  • HIRI OHZ: bigarren ordainketa (ordainagiriaren % 50)
  • LANDA OHZ
  • ZABORRAK BILTZEAGATIKO TASA.

1.- ORDAINTZEKO EPEA:

A.- Borondatezko aldia:

  • Hiri eta Landa OHZ: 2020ko azaroaren 1etik abenduaren 15era.
  • Zaborrak biltzeko zerbitzuagatiko tasa: 2020ko abenduaren 1etik 31ra.

B.- Exekuzio-aldia: 2021eko urtarrilaren 1etik aurrera. Administrazio

premiamenduko prozedura exekutiboa hasiko da, dagozkion gainkarga, atzerapen-interes eta, bidezkoa bada, kostuekin, bat etorriz Arabako Zergei buruzko otsailaren 28ko 6/2005 Foru Arauan ezarritakoarekin.

 2.- ORDAINTZEKO LEKUA ETA MODUA:

  1. A) Banku-erakundeetan helbideratutako ordainketak:

            Ordainketa aurreko urteetan helbideratuta zutenek ez dute inolako izapiderik egin beharko, bankuko helbideratzearen kontua mantentzen badute. Udala arduratuko da ordainketa izapidetzeaz.

  1. B) Helbideratu gabeko ordainagiriak:

                              Kutxabank: Kutxazainetan, txartelarekin edo libretarekin. Urruneko bandkaren bidez. Bulegoko leihatilan (ordutegiaren arabera).

                        Nire ordainketa online: Eusko Jaurlaritzaren ordainketa pasabidea, txartelarekin.

                        Udaletxeko Bulegoetan.

3.- GOMENDIOAK:

            Altak, bankuko helbideratzeak eta helbideratze-aldaketak, ondoz ondoko jakinarazpenen ondoreetarako, Ayala-Aiarako Udalaren bulegoetan izapidetu behar dira.

            Hala adierazten da, guztiek jakin dezaten.

Euskal Herriko Agintaritzaren Aldizkariak astearte honetan argitaratu ditu Eusko Jaurlaritzak Euskadi osorako ezarritako murrizketa berriak, alarma egoera berria indarrean sartu ostean eta COVID-19k eragindako kutsatzeen hedapena geldiarazteko helburuarekin.

Hauek dira neurri berriak:

1- 23:00etatik 06:00etara gauez zirkulatzeko askatasuna mugatzea. Urriaren 25eko 926/2020 Errege Dekretuaren 5.1 artikuluan aurreikusitako jarduerak egiteko bakarrik zirkulatu ahal izango dute pertsonek erabilera publikoko bideetatik edo espazioetatik.

Hau da, sendagaiak, osasun-produktuak eta premia handiko beste ondasun batzuk erosteko; osasun-zentroetara joateko; larrialdiengatik albaitaritza-zentroetara joateko; lan-, lanbide-, enpresa-, erakunde- edo lege-betebeharrak betetzeko; paragrafo honetan aurreikusitako jardueretako batzuk egin ondoren ohiko bizilekura itzultzeko; adinekoak, adingabeak, mendekotasuna duten pertsonak, desgaitasuna duten pertsonak edo bereziki ahulak diren pertsonak laguntzeko edo zaintzeko; gasolindegietan erregaia hartzeko, horretarako beharrezkoa denean. Aurreko paragrafoetan aurreikusitako jarduerak, eta ezinbesteko beste edozein arrazoirentzat, behar bezala.

2- Euskal Autonomia Erkidegoan sartzeko eta irteteko mugak. Puntu honetarako jasotako salbuespenak dira, halaber, osasun-arlokoak, lanekoak, profesionalak, hezkuntzakoak, mendekoak, adinekoak edo adingabeak zaintzea, besteak beste.

3.- Pertsonak bizi diren udalerrian sartzeko eta irteteko mugak ere egongo dira.

Mugakide diren ohiko udalerrien arteko mugikortasuna baimenduko da, banakako gizarte-, ekonomia- eta kirol-jarduerak edo aire zabaleko jarduera fisikoak egiteko. Salbuetsita daude, halaber, eranskinaren 14.1 atalean baimendutako kirol-lehiaketetarako beharrezko lekualdatzeak.

4.- Pertsona-taldeak espazio publiko eta pribatuetan egoteko muga: gehienez 6 pertsona. Salbuespenak izango dira elkarrekin bizi diren pertsonak izatea, hargatik eragotzi gabe jendearentzat irekitako bulego, instalazio eta establezimenduei, edo adingabeei edo mendeko pertsonei dagokienez ezartzen diren salbuespenak.

Arau berriak asteartean bertan, urriaren 27an, sartu dira indarrean, 06:00etan, eta dekretu berria 15 egunez egongo da indarrean, baina pandemiaren bilakaeraren arabera luzatu, aldatu edo ondoriorik gabe utzi ahal izango da.

Eusko Jaurlaritzak argitaratutako dekretua osorik kontsulta daiteke, esteka honetan sartuta:

https://www.euskadi.eus/y22-bopv/es/bopv2/datos/2020/10/2004490a.pdf

URRIKO HOIKO BATZARRA

Honen bidez HOIKO Udalbatzarrerako dei egiten dizut. Bertaratu ezina behar hainbat denbora aurretik egiaztatu beharko zaio Alkatetzari.
Helbidea
Elexalde auzoa, 3
01476 · Arespalditza
Telefonoa
Ordutegia
Astelehenetik ostiralera:
9:00 etatik 14:00 etara
Faxa
+34 945 39 93 31