Udal honetako Gizarte eta Osasuna, Berdintasuna eta Inmigrazioa Batzordeak apirilaren 29an, igandean, "Ibarrondo Jatetxean", “Aiarako Adinekoen Eguna” ospatzeko egingo diren ekitaldietan eta bazkarian interesik duzuen 65 urtetik gorako eta Udalerrian erroldaturik zaudeten pertsona guztioi jakinarazi nahi dizuegu, Udal bulegoetara etorri behar duzuela, izena ematera eta gonbidapenak hartzera.

 Arespalditza: Astelehenatik ostilarera  09:00-14:00

Luiaondo: Astelehena 09:00-12:00  - Asteazkena 12:00-15:00

IZENA EMATEKO EPEA: Apirilaren 25 arte.

Apirilaren 29a, igandea ekitaldiak

12:00etan  Gure nagusien omenezko meza.

13:00etan  Itzalde Abesbatzaren kontzertua.

14:30etan  AXXVIII. Nagusien Egunaren      ospakizun otordua.

                   Dantzaldia: Iñaki Oteguirekin.

AUTOBUSA BAZKARIAREN AURREKO EKITALDIETARA JOATEKO:

AUTOBUSA BAZKARIRA JOATEKO:

MENUA

Sotoko urdaiazpikoa.

Solomo burualdea.

Pikillo piperren entsalada intxaurren ozpin-olioarekin.

Kalabazin- eta sagar-krema.

 Bakailao gratinatua bizkaitar erara.

Txahal masailak Pedro Ximénez  ardoarekin erregosiak onddoekin.

 Chantillyz betetako hostopila

Etxeko ardoa edo lambruscoa, ogia,  ura eta kafea.

Apirilaren 9tik maiatzaren 9ra bitartean, Legutioko Maketa Lehiaketako bigarren edizioan parte hartu nahi duten bandentzako izena emateko epea zabalik egongo da. 

Hurrengo honetan lehiaketako oinarrien inguruko informazio zehatza eskaintzen duen esteka eskaintzen dizuegu.

Legutioko maketa lehiaketako oinarriak

Ekainaren 15ean, banda finalistek kontzertua eskainiko dute.

AIARAKO UDALA

Bertan behera uztea Aiarako Udalean idazkari kontu-hartzailearen aldi baterako ordezkapenak egiteko lan-poltsaren deialdia

Aiarako Udaleko alkateak, 2018ko maiatzaren 4ko Alkatetza Dekretuaren bidez, honako erabaki hau hartu zuen:

Lehenengoa.- Bertan behera uztea Aiarako Udalean idazkari kontu-hartzailearen aldi baterako ordezkapenak egiteko lan-poltsa osatzeko lehiaketa-oposizioaren deialdia.

Bigarrena.- Amaitutzat ematea deialdia zuzendu behar zuten oinarriek araututako hautaketa-prozesua.

Hirugarrena.- Agintzea argitara dadila erabaki hau ALHAOn, udalerriko iragarki-tauletan eta Udalaren webgunean, interesdun guztiek jakin dezaten.

Laugarrena.- Dekretu honen berri ematea Udalbatza Osoari, egingo duen hurrengo bileran.

Hau guztia jendaurrean jartzen da, orok jakin dezan.

Arespalditzan, 2018ko maiatzaren 4an.- Alkate-udalburua, GENTZA ALAMILLO UDAETA.

Aiarako Udalak eta Aiara Oinezek bat egin dute, herritar guztiei, datorren asteartean, apirilak 17, arratsaldeko 18:00etatik aurrera Arespalditzan kokatutako Aiarako udaletxeko balio anizdun aretoan burutuko den tailerrerako gonbita luzatzeko. 

Zuk ere askari eta lunch osasungarriak egiten ikasi nahi baldin baduzu, eta baldintza onenetan askari edo lunch osasungarrien propietateak ezagutu nahi baldin badituzu, elikagai fresko eta osasuntsuak erabilita, hurbil zaitez tailer teoriko praktiko honetara. Txostengile gisa, coach-nutrizionista bat arituko da, elikadura osasuntsu baten onurak herritarrei jakinarazten.

Askari eta lunch osasungarrien inguruko tailerra:

• Apirilak 17, asteartea
• 18:00etan
• Aiarako Udaleko balio anizdun aretoa
• Izena emateko eta informazio gehiago eskuratzeko deitu 945 39 90 13 telefonora

Datorren astelehenean, apirilak 9, arratsaldeko 16:00etatik 17:45 arte hezitzaile bat Kuadrillako eraikineko beheko solairuan kokatutako ordenadoreen gelara hurbilduko da, informatikaren inguruko zalantzak argitu edo ordenadorean ibiltzeko grina duten pertsonak artatzeko.

Horren inguruan eta informatikaren munduan sakondu nahi duten guztientzat, jakizue Amurrioko KZ Guneak, Aiara udalerritik hurbilen dagoen zentroak, ateak irekita dituela astegunero, 16:00etatik 20:00etara, Kultura Etxeko lehen solairuan (Landako 8) 

Informazio gehiagorako 945062501 telefonoa, edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. emaila

Hurrengo link honetan Amurrio Bidean agentziak martxan jarritako heziketa eskaintzaren inguruko informazioa eskura duzue

Martxoaren 26tik apirilaren 2ra bitarteko heziketa eskaintza

Latxa Esnea etxeak gidatutako Talde Operatiboak, bertan lankide direla Landaola, Arabalanda, Bizkaimendi –Euskadiko hiru lurraldeetako Landa Garapenerako Elkarteak–, Ekolber eta Neiker, abian jarri du “latxa ardien ustiapenetako artilearen balorizazioa” izeneko proiektu berritzaile bat, ardi latxaren artilearen erabilerari ohikoa ez den alternatiba bat emateko helburuarekin eta oso kontziente izanik LANKIDETZA edo elkarlana dela sektoreak dituen zailtasunei irtenbidea aurkitzeko oinarria.

Gaur egun, latxa ardien ustiapenetako artile gordina kudeaketa zaila duen hondakina da, gastuak bakarrik sortzen dituena.

Proiektu hau abian jartzearekin latxa ardien artilearen bolumen guztiari irteera egonkorra eman nahi zaio, artile mota hau aparteko bihurtzen duen espezifikotasuna aprobetxatuz.

Artile honek duen keratina natural kopuruari esker, eta disolbagarririk gabe trata daitekeenez, latxaren artiletik soka biodegradagarri eta konpostagarrien hainbat prototipo lor daitezke, baratze eta berotegietako landare igokarien tutore moduan erabiltzeko.

Soken prototipo hauek ekoizpena bultzatu aurretik, beharrezkoa izango da negozioaren behar kuantitatibo eta kualitatiboak beteko dituen artile-horniketaren diseinu eta kudeaketa lan bat egitea, ustiapenetan beraietan lana antolatzeko oinarri bat finkatuko duena, ondo planifikatu eta baldintza justuetan artile hori modu egokian hornitu ahal izan dezaten.

Latxa ardiaren sektorearekin dugun konpromisoa da, sektore horrek berez sortzen duen jasangarritasun soziala zein ingurumen arlokoa mantentzen jarraitzeko, eta aldi berean alderdi ekonomikoa ere bultzatzeko, jarduera errentabilizatzen laguntzeko ustiapen horietan sortzen diren produktuetako bat balorean jartzearen bidetik.

Nor da nor Talde Operatibo honetan

• Latxa Esnea Koop. Jaio zenetik garbi izan du eta mantendu du elkarrekin lan egitearen bidetik indartu egiten direla kide bakoitzaren ahaleginak, helburu bateratua lortzeko. Horren harira kooperatiba honetan elkartu ziren latxa artaldeak zituen hainbat artzain, emakume zein gizon, sektorearen traktorea den erakunde moduan jokatzen duen egitura emanaz, eta horrela elkartu nahi izan da proiektu hau aurrera eramateko egokia den diziplina desberdinak elkartzen dituen taldea.

• Ekolber: Artilea oinarri hartuta plastiko biodegradagarria egiteko beharrezko den teknologiaren garapenera bideratua dagoen enpresa. Prototipoak egiten ditu, eta haren propietateak neurtuko ditu.

• Neiker: Teknologia zentro gisa, artileari eman dakizkiokeen erabileren gaineko ezagutza zientifikoa emango du, bai eta ingurumen aldetik duen inplikazioaren ikerketa, eta proiektuan ematen joango diren urratsak balidatu ahal izateko beharrezkoak diren probak ere bai.

• Landa Garapenerako Federazioak: Lurralde bakoitzetik dauden ordezkaritzen bidez, lotura zabalagoa egingo dute sektore guztiarekin, eta ekoizleen eta tokian tokiko eragileen dinamizazioa ere bai, garatuko diren soluzioak erabiltzeko dauden beste aukera batzuk identifikatzeko eta erakusteko. Arabalanda, Landaola eta Bizkaimendi dira, Euskadiko hiru lurraldeetako Landa Garapenerako Elkarteak, hain zuzen ere.

“Latxa ardien ustiapenetako artilearen balorazioa” izeneko proiektuan egin den lana Nekazaritzaren produktibitate eta jasangarritasun arlorako Berrikuntzarako Elkarte Europarraren (BEE-AEI) Talde Operatiboen sorrera eta funtzionamendurako laguntzari atxikitzen zaio, eta % 80an Landa Garapenerako Nekazaritza Funtsa (LGENF-FEADER) funtsaren eta Eusko Jaurlaritzaren bidez dago finantzatua, Europako Parlamentuaren eta Kontseiluaren 1305/2013 Erregelamenduaren (UE) 35. artikuluan aurreikusiak dauden lankidetzarako laguntzen bidez.