Martxoaren 29tik apirilaren 1era bitartean, Arabako Foru Aldundiak bisita tematikoak antolatuk oditu berak kudeatzen dituen museoetan, Herrialdeak eskutatzen dituen altxor miresgarrienak ezagutera emate aldera.

"Kondairetako Araba" deituriko egitasmoak gidatutako bisitak antolatuko ditu 12:00etatik 13:00etara bitartean, Aste Santuk oegun guztietan. 

Museo bakoitzeko egitaraua honako hau izango da:

Osteguna martxoak 29 
• Bibat, Arabako Arkeologia Museoa
Kondairetako tokiak

• Arabako Arte Ederren Museoa
Errituak eta ohiturak landako euskal gizartean

Ostirala martxoak 30 
• Arabako Arma Museoa
Kondairetako armak
Bisita familian, 5 urtetik aurrerako haurrentzat.

Larunbata martxoka 31
• Bibat, Arabako Fournier Karta Museoa
Kondairetako kartak

• Arabako Natura Zientzien Museoa 
Kondairetako natura 
Bisita familian, 5 urtetik aurrerako haurrentzat. 

Igandea apirilak 1 
• Iruña-Veleia, Erromatar Hiria
Bisita gidatua. 

**Sarrera doan edukiera bete arte
**Hobe aldez aurretik erreserbatzea telefonoz

- BIBAT- Arkeologia, Fournier de Naipes Museoa • Tel. 945 203 707
- Arabako Arte Ederren Museoa / Museo de Bellas Artes de Álava • Tel. 945 181 918
- Arabako Arma Museoa / Museo de Armería de Álava • Tel. 945 181 925
- Arabako Natura Zientzien Museoa / Museo de Ciencias Naturales de Álava • Tel. 945 181 924
- Iruña-Veleia • Tel. 618 539 353

Eneritz Allue Perezek, www.eneamatxo.com webguneko arduradunak hitzaldia eskainiko du datorren asteartean, martxoak 27, Arespalditzan kokatutako Aiarako Udaletxeko beheko solairuan dagoen balio anizdun aretoan. Hitzaldiak, haurrentzako araututako elikadura osagarria izango du izpide.

Haurtxoak zuzendutako araututako elikadurak ( ingelesezko baby-led weaning terminoaz ere ezaguna dena) elikadura aberats eta nanitzerako bideari haurtxoak berak ekiten dion proezsuari so egiten dio. 

Aiara Oinezek Aiarako Udalaren laguntzarekin antolatutako hitzordua, arratsaldeko 17:30etan hasi eta 19:00etan bukatuko da. 

Sarrera libre eta doakoa

Aiarako Udalak, datorren ostiralean, martxoak 16, arratsaldeko 17:00etatik aurrera, Arespalditzako Gizarte Zentroan, frutikultura ekologikoari buruzko doako ikastaroa eskainiko du. 

Euskadiko Hazien Sarearen eskutiko doako tailer honek honako gai hauek jorratuko ditu, besteak beste:

• Lurzoruaren garrantzia
• Oinarrizko inausketa
• Gaixotasunak eta tratamendu ekologikoa
• Barietate tradizionalak

Aiara Oinez foro soziosanitarioak, Aiarako Udalarekin batera, apirilaren 12an hasi eta maiatzaren 3ra bitarteko ostegun guztietan, errehabilitazio gimnasia ikastaro berri bat antolatuko dute, 11:30etatik 12:30etara bitartean.  

Ikastaroa Eguneko Arretarako Nekazal eremuko zentroan egingo da 

 .

Bertan parte hartu nahi dutenek, lehenago izena eman beharko dute hurrengo telefonora deituta  945 39 90 13 (plaza kopuru mugatua)

ERREHABILITAZIO GIMNASIA IKASTAROA:

• Ostegunero, apirilak 12, 19, 26 eta maiatzak 3
• 11:30 etatik 12:30etara
• Eguneko Arretarako Nekazal eremuko zentroa 
• Informazio gehiagorako eta izena emateko, deitu hurrengo telefonora 945 39 90 13 (plaza kopuru mugatua) 

Aiarako Udalak 2017ko abenduaren 20an eginiko saioan Hiri Antolamenduaren Plan Orokorra eta Ingurumen Azterketa Estrategikoa onartu zuen hasiera batean. 2018ko urtarrilaren 10ean argitaratu zen ALHAOn (4. zk.) eta jendaurrean jartzeko epea ireki zen, interesdunek egoki iritzitako alegazioak egin zitzaten. Epe hori 2018ko martxoaren 14an amaitzen zen.

Aintzat hartu da jendaurrean jartzeko epe horretan HAPO-ren idazle-taldearekin kontsula ugari egin direla. Hori horrela, interesdun guztiei jakinarazten zaie jendaurrean jartzeko epea 2018ko apirilaren 13ra arte luzatuko dela (egun hori barne) eta aldi horretan hasierako onespenaren akordioari alegazioak aurkeztu ahal izango zaizkiola.

Luiaondoko bola toki klubak, Arabako Foru Aldundiaren, Aiarako Udalaren eta Luiaondoko Administrazio Batzarraren laguntzarekin, San Jose eguna dela eta, bolo jaurtiketan ibiltzeko bina egun antolatu ditu Luiaondoko bola tokian.

Las jornadas serán las siguientes:

• Martxoak 17 larunbata, 18:00etatik 20:00etara
• Martxoak 18 igandea, 11:30etatik 13:00etara

Zer gertatzen da emakumeek ez badute zaintzen, ez kontsumitzen, ez lan egiten, ezta parte hartzen ere?

Hausnarketa horrexek eraginda, iaz mugimendu feministak emakumeen nazioarteko greba-deialdi bat egitea erabaki zuen, non eta 70 herrialdetan baino gehiagotan; aurten, 2018an, “Emakumeok planto. Nosotras paramos” leloaren pean errepikatuko da. Grebaren xedea da emakumeen lanak gure gizartean duen inpaktua ikusaraztea eta lan hori aintzat har dadila eskatzea.

Gure gizartearen ongizatea ezinezkoa litzateke bizitzari eusteko ezinbesteko jarduerak egingo ez balira, hala nola, pertsonak zaindu (haurrak, adinekoak, mendekoak...) edo etxeko lanak egin. Lan horietako gehienek ez dute ordainsaririk, eta batez ere emakumeek egiten dituzte. Emakumeen ekarpenik gabe, gizartea geratu egingo litzateke.

Emakumeen lanaren zatirik handiena ez da ikusten eta ez da kontabilizatzen. Horrek esan nahi du etxeetan ekoitzitako ondasunen eta aberastasunaren balioa gutxietsi egiten dela, nagusiki emakumeek egiten dituzten zeregin hauen orduak eta ekarpen ekonomikoa ukatu eta ikusezin bihurtzen direla, eta zeregin horiek zaintza, osasun, giza eta babes arloari egiten dioten aurrezpen sozial handia ere ikusezin bihurtzen dela.

Lan-merkatuaren barruan eta kanpoan eskainitako orduak kontuan izanez gero, emakumeek gure gizarteko lanaren %56 egiten dute, baina baita ordainsaririk gabeko lanaren %74 ere. Gainera, feminizatutako lan asko, batez ere emakumeek egiten dituzten lan asko, enplegu prekarizatukoak dira edo lan-merkatuko ezkutuko ekonomiakoak. Sektore horretan, gainera, migratutako emakume ugari enplegatzen dira, eta beroriek jatorrizko inguruneetan beren haurrak beste emakume batzuen zaintzapean utzi behar izan dituzte; hala, zaintza-kate globalak sortzen dira.

Eta egiten dituzten zereginez harantzagoko kontua da; izan ere, emakumeek zaintzan eta etxeko lanetan igarotzen duten denboraren ondorioz, gizonek denbora gehiago dute beren karrera profesionala eta lan-munduko karrera garatzeko, edo aisiako edozein jarduera sozial egiteko, emakumeek jarduera horietan sartzeko zailtasunak izan arren.

Denboraren erabilera desberdin hau traba handia da berdintasuna lortzeko, eta gizon eta emakumeei buruzko estereotipoak betikotzeaz gain, generoaren ondoriozko erantzukizunak uztartzeko egiturazko oztopo ere bada, besteak beste.

Horregatik guztiagatik, ezinbestekoa da gizarteak aitortzea zaintza-lana ezinbestekoa dela bizitzaren iraunkortasunerako; zaintzen inguruko jendarte mailako antolakuntza berri bat babestu beharra dago zeregin hori beste modu batera hornitzeko, gizonen erantzunkidetasuna sustatu beharra dago, gizartea antolatzeko modu honen ondorioz erabakimen- eta botere-guneetan emakumeen talentuaren galera dagoela ikusarazi behar da, antolakuntza- eta enpresa-kultura berdintasunarekin lerrokatu behar dira, eta bizitza pertsonalaren eta laneko bizitzaren kontziliazioa sustatuko duten zerbitzu publikoak indartu behar dira.

Egoera honetaz OHARTZEN DENEZ, Aiarako Udalak honako ekintzak gauzatzeko konpromisoa hartu du, denak Aiarako Kuadrillako Berdintasun Planean jasota daudenak 2018ko plangintzan:

• Sentsibilizazio eta trebakuntza-programak garatuko dituela, zaintzan eta etxeko lanetan gizonen erantzunkidetasuna sustatzeko eta erabakitzeko guneak emakumeekin partekatzeko.

• Bere eskumenen alorrean lagunduko duela zaintza babesteko baliabideak eta zerbitzu publikoak garatu eta finkatu daitezen, eta zaintzen arloan erantzunkidetasun sozialerako komunitateko estrategien artikulazioa sustatu dadin.

• Udaleko politikak genero-ikuspegiarekin garatuko dituela.

• Balioen transmisioa azpimarratuko duela, berdintasunezko gizartea lortzeko kultura-aldaketak susta daitezen.

Azkenik, Aiarako Udalak bat egingo du martxoaren 8a Emakumeen Nazioarteko Eguna dela-eta antolatu eta deituko diren ekitaldi eta ekintzekin, eta dei egiten die herritarrei era aktiboan parte hartzera mugimendu feministak Aiaraldean antolatutako Emakumeok planto kanpainan, bat eginez emakumeen nazioarteko grebarekin, 70 herrialde baino gehiagotan konbokatu dena.

Hurrengo link honetan Amurrio Bidean agentziak martxan jarritako heziketa eskaintzaren inguruko informazioa eskura duzue

Otsailaren 26tik martxoaren 4ra bitarteko heziketa eskaintza