EKONOMIAREN GARAPEN, JASANGARRITASUN ETA INGURUMEN SAILAK ESKUALDEKO INGURUMEN HEZKUNTZA ETA EDUKIONTZIAK ELEKTRONIKOKI IXTEKO SISTEMAREN EZARPENA FINANTZATUKO DITU.

Eusko JAURLARITZAREN GARAPEN EKONOMIKO, IRAUNKORTASUN ETA INGURUMEN SAILAREN diru-laguntza lortu du Aiarako Udalak, 1.185 euroko laguntzarekin, 2030erako Eskola Agenda proiektuaren garapenari jarraipena emateko eta Garapen Iraunkorreko Helburuak eskola-curriculumean txertatzeko.

Diru-laguntza horri esker, ingurumen-sentsibilizazioan eta -hezkuntzan aurrera egiten jarraituko da, Etxaurren Ikastolaren eta ikastetxeko kide guztien eskutik.

Jendaurrean jartzen da 2021eko uztailaren 15etik abuztuaren 31ra arteko egun baliodunetan, biak barne, honako kontzeptuari dagozkion ordainagiriak borondateko epean ordaintzeko jarriko direla:

- HIRI OHZ (Lehenengo ordinketa:Ordainagiriaren  %50).

       ORDAINTZEKO TOKIA ETA MODUA:

        1. Banku erakundeetan helbideratutako ordainketak: Aurreko urteetakik ordainketa helbideratuta daukatenek ez dute inolako izapiderik egin beharko; udala arduratuko da izapidetzeaz eta 2021ko uztailaren 30ean egingo da ordainketa.

        2. Helbideratu gabeko ordainketak:

              Kutxabank: Kutxazainetan, txartelarekin edo libretarekin. Urruneko bandkaren bidez. Bulegoko leihatilan (ordutegiaren arabera).

              Nire ordainketa online: Eusko Jaurlaritzaren ordainketa pasabidea, txartelarekin.

              Udaletxeko Bulegoetan.

Adierazitako epean ordaintzen ez duten zergapekoek % 20ko gainkargua izango dute eta premiamendu bidez kobratzeko prozedura hasiko da.

Hau guztia jendaurrean jartzen da, orok jakin dezan.

Ekainean, indarkeria matxistaren aurkako protokoloen jarraipen mahai teknikoa eta politikoa gauzatu dira. Bertan, 2020an artatutako kasuak aurkeztu dira.

Esan behar dugu, Gizarte Zerbitzuetan eta Berdintasun Zerbitzuetan 58 emakume atenditu direla, hortik, 12 Okondo, Aiara eta Artziniegako emakumeak dira. Erabilitako indarkeria era nagusia psikologikoa izan da, eta ondoren, fisikoa, ekonomikoa eta sexuala.

Emakumeen profilari dagokienez, gehienak 30 eta 44 urte tartean daude, ezkonduak eta adingabeekin, eta gehienak, jatorriz, EAEkoak dira.

Bideratzeko orduan, gehien erabili den baliabidea laguntza psikologokoa da, eta jarraian, juridikoa. Hala, 2020an 86 emakumek erabili dute laguntza psikologikoa eta 43k juridikoa, Kuadrillan dauden arretarako foru zerbitzuetan. Era berean, Kuadrillako 8 emakume abegirako foru baliabideetan egon dira 2020an.

Ertzaintzari dagokionez, 2020an 41 emakume atenditu zituzten Aiarako Kuadrillan.

Aiarako Kuadrillan artatutako 58 emakumeetatik, %41k salaketa jarri zuten. Argi utzi nahi dugu salaketa ez dela derrigorra arreta jaso ahal izateko; baliabideak emakumeen eskura daude, salaketa izan ala ez. Izan ere, emakumeei aholkatzen zaie salaketa jarri aurretik, informatzeko, eta, ondoren, hala nahi izanez gero, salaketa jartzeko. Arretaren helburua biktimak erreparatzea da, ahalduntzean laguntzea, giza baliabideak eta bestelakoak eskaintzea, emakumeen denborak eta erabakiak errespetatuz.

Era berean, esan behar dugu 2020an, pandemia dela eta, atenditzeko urte zaila izan dela, batez ere Osakidetzan. Aurrez aurreko aukerarik ez denez egon, ezin izan dira kasuak detektatu eta bideratu. Bestalde, baliabide telefonikoak asko erabili dira, konfimamenduak indarkeria matxista bizi dutenen egoera zaildu duelako, eta baliabide telefonikoak zuzenean eskura izan dituzten bakarrak izan dira.

2021era begira, eta kasuen arreta hobetzeko asmoarekin, Aiara, Artziniega eta Okondoko Udalek Kuadrillako gizarte langilearen lan jarduna gehituko du, arreta indartzeko. Hala, indarkeria matxista bizi duten emakumeek zuzeneko telefonoa izango dute, whatsapparekin, zuzenean, deitzeko edo mezua bidaltzeko. Zerbitzu berria uztailaren 1etik aurrera jarriko da martxan, 8:00etatik 15:00etara, eta telefono horrekin batera, berdintasun teknikariaren telefonoa ere egongo da, ordutegi berdinarekin. Gainera, 24 orduko zerbitzuak ere badaude, batetik, urgentziazko gizarte zerbitzuen telefonoa eta bestetik, arreta telefoniko espezializatua.

Gizarte langilearen lan jarduna gehitzea Genero Indarkeriaren Aurkako Estatu Itunarekin finantzatuko da.

Erreparazio printzipioa txertatzen

Jarraipen Mahaietan, bai teknikoan, bai politikoan, erreparazio printzipioa landu zen, zelan txertatu eta zehaztu emakumeek artatzeko orduan.

Aipatutako lanak jarraipena izango du irailean, orduan emakume elkarteen eta talde feministen mahaiak gauzatuko direlako. Horrekin batera, hezkuntza zentroekin, Laudioko Berritzegunean, koordinazio lanarekin jarraituko dugu. Helburua 2020ko datuak komentatu eta erreparazio ekimenak antolatzea izango da, betiere Aiaraldeko Berdintasun Topaketari begira, azaroan egingo dena. Izan ere, indarkeria matxistaren emakume biktimen erreparazioa izango da aurtengo gaia. Bertan, lan prozesuaren datuak aurkeztuko dira, indarkeria matxista emakumeen giza eskubideen ikuspegitik landuko dugulako, erreparazioaren ikuspegitik.

Arreta baliabideak Aiara, Artziniega eta Okondon.

Arreta. Gizarte langilea. 8:00-15:00, astelehenetik ostiralera 681 08 41 18

Informazioa. Berdintasun teknikaria. 8:00-15:00, astelehenetik ostiralera. 686 587 889

Urgentziazko Gizarte Zerbitzuak. 24 ordu. 945 13 44 44

Arreta Telefoniko espezializatua. 24 ordu. 900 840 111

Larrialdiak. 112

Aiarako Emakumeak liburua Udaletxean jaso daiteke.

Aiarako Udaletxean daude Aiarako emakumeei buruzko liburuak, nahi duenak jasotzeko.

Liburua dohainik da eta aiarrarentzat da, bat etxebizitza bakoitzeko.

Arespalditzan, Udaletxean jaso daiteke, 9:00etatik 15:00etara, eta Luaiondon Udal bulegoan, astelehenetan, 9:00etatik 12:00etara eta asteazkenetan, 12:00etatik 15:00etara.

Informazio gehiago. 686587889 edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.. Berdintasun Teknikaria.

AIARAKO UDALAREN ADIERAZPEN INSTITUZIONALA

Orain dela 52 urtetik, Ekainaren 28an Sexu eta Genero Aniztasunaren aldeko Eguna ospatzen da: borroka disidente luzea eta egindako lorpenak ospatzeko eguna da, baita eskubideen eremuan aurrerantz egiteko falta den guztia aldarrikatzeko eguna ere: eskubide berberak dituen jende askearen gizartea izateko, sexu-desioaren orientazioagatik edo genero-identitateagatik bereizkeriarik gabe.

COVID-19aren ondorioz bizi dugun egoera eragin handia izaten ari da gure kolektiboan ere; beraz, sexu- eta genero-aniztasunaren aurkako gorrotoak eragindako erasoak salatzen jarraituko dugu. Eraso horiek ez dira gure inguruan bakarrik gertatzen. Lesbiana, gay eta bisexualen lege-babesean aurrerapen handiak egin diren arren, NBEko 69 estatu kidek sexu bereko helduen artean adostutako sexu-ekintzak zigortzen jarraitzen dute, ILGAk (Lesbiana, Gay, Bisexual, Trans eta Intersexen Nazioarteko Elkartea) adierazten duen bezala. Human Rights Watchen arabera, pandemiak desberdintasun arrakalak eragin ditu, eta kolektibo batzuk besteak baino ahulagoak dira. LGTBI kolektiboaren aurkako aurreiritziak nabarmenak izan dira Covid-19ri emandako erantzunetan munduko eskualde askotan.

Aurtengo ekainaren 28an eta urteko egun guztietan LGTBI pertsonen eta haien ingurukoen ondoan jarraituko du, LGTBIfobiaren aurka borrokatuz. Gaur egun, oraindik ere beharrezkoa da gure gizartean oraindik indarrean dauden diskriminazioen aurkako borroka sendotzea. Gizarte osoaren erantzukizuna, diskriminazio- eta indarkeria-mota guztien aurka borrokatzeko.

Herri inklusiboa eta askotarikoa aldarrikatzen dugu, aniztasuna aztergai dugun esparrutik ulertuta, baina baita bere osotasunean ere. Aiarako Udalean indarrak batuko ditugu gizarte- eta erakunde-eragile guztiekin, gizarte justuagoa, errespetuzkoagoa eta integratzaileagoa eraikitzeko. Berdintasunerako eskubidearen eta sexu-orientazio eta generoagatiko diskriminaziorik ezaren alde lan egiten jarraituko dugu, aniztasunaren bizipen askea sustatzeko helburuarekin.

Urtero bezala, ekainaren 28 honetan aitortu nahi dugu LGTBI kolektibo eta pertsona ugariren borroka luze eta ordainezina: garai zail hauetan, pertsonen emantzipaziorako erreferente direla erakusten jarraitzen dute.

Era berean, Udal honek LGTBI pertsonen eskubideekin urteko egun guztietan duen konpromiso politikoa berretsi nahi dugu. Adierazpenetatik haratago, gure konpromisoa politika zehatzetan islatu behar da, bakoitzak bere giza baliabide, baliabide tekniko eta ekonomikoekin: mugimendu feministako eta LGTBI mugimenduko ordezkari eta adituekin adostu behar diren politikak.

Horregatik, Aiarako Udalak konpromisoa hartzen du honako hau egiteko:

1) LGTBI pertsonen Arabako egoeraren eta beharren diagnostikoa partekatzea, pandemiaren krisiaren eraginaren ondorioz, beste erakunde, kolektibo eta gizarte-eragile batzuekin koordinatuta.

2) Egindako diagnostikoari erantzungo dion plan edo neurri-multzoa bultzatzea, premiazkoenak diren ekintzak lehenetsiz, besteak beste, arlo hauetan: soziala, enplegua, osasuna, etab. Krisiari aurre egiteko plangintza orokorrean, gure udalerriko LGTBI pertsonen egoerari eta beharrei erantzuteko neurriak jasotzea.

3) LGTBI pertsonen aurkako indarkeriaren aurrean erakundeen koordinazio, arreta eta erantzun publikorako protokoloak diseinatzea eta abian jartzea.

4) LGTBI pertsonen eskubideak bermatzera bideratutako neurriak aktibatzea, hala nola: administrazio-formularioetan aldaketak egitea binarismoa gainditzeko, aldagelak eta komunak egokitzea instalazio publikoetan, igerileku publikoen araudiak.

5) LGTBI biztanleriaren aurkako gorroto-diskurtsoak identifikatzeko mekanismoak ezartzea (behatokiak, aldizkako azterketa, etab.), eta hainbat eremutan (hezkuntza, kultura, komunikazioa, enpresa eta gizartea, oro har) diskurtso horiei eta jazarpen eta eraso LGTBIFobikoei aurre egiteko ekintzak bultzatzea (protokoloak, araudi espezifikoak, etab.).

6) Haurrak eta nerabe transexualak babesteko neurriak ezartzea, bereziki trans errealitatea barne hartzen duten hezkidetza-prozesuak, gizarte- eta hezkuntza-eragileekin.

7) Sexu eta genero disidentziaren gaineko prestakuntza-prozesuak bultzatzea, langile publiko eta politikoentzat, bereziki, jendeari arreta emateko, eta gizarte- eta hezkuntza- esparrurako.

8) Sentsibilizazio-kanpaina feministak egitea, egungo testuinguru sozialera egokituta, epe labur, ertain eta luzean, sexu-genero dikotomiari, heteronormatibitateari, sexu- orientazioaren eta genero-identitatearen adierazpen-aniztasunari eta eremu desberdinetan LGTBI pertsonenganako indarkeriaren eta diskriminazioaren adierazpen eta forma anitzei buruzko kontzientzia kritikoa hartzea errazteko.

9) Zaintzei buruzko lan-ildoak aktibatzea ikuspuntu feministatik eta LGTBI ikuspegitik, zaintza sare komunitarioekiko, kolektibo feministekiko, LGTBI kolektiboekiko eta beste gizarte-eragile batzuekiko lankidetza sustatuz: besteak beste, adinekoei, desgaitasuna dutenei edo gizarte-bazterketako egoeran daudenei arreta emateko zerbitzu publikoakberrikustea (egoitzetan, eguneko zentroetan, etxez etxeko zerbitzuan, etxebizitza komunitariotean eta abarretan arreta emateko protokoloak), eta ekimen komunitarioak abiaraztea.

10) Adinekoen egoitzetan, etxebizitza komunitarioetan edo eguneko zentroetan, besteak beste, hainbat neurri modu koordinatuan sustatzea, LGTBI pertsonek beren aukera sexuala eta genero-aukera askatasunez bizi ahal izan dezaten, diskriminaziorik gabe, eta, besteak beste, honako hauek barne hartuta: sentsibilizazio-kanpainak, espazio bitarren berrantolaketa, eta LGTBI adineko pertsonen ekarpena ikusarazteko eta balioesteko jarduerak.

11) Zeharka, LGTBI kolektiboekin, kolektibo feministekin eta adituekin identifikatutako ekintza guztien diseinu, jarraipen eta ebaluaziorako elkarrizketa lotesle eta iraunkorreko espazioak gaitzea.

Amaitzeko, herritarrei dei egiten diegu LGTBI mugimenduak eta mugimendu feministak gure udalerri eta eskualdean deitutako ekintzetan parte har dezaten.